Korleis blir framtidas matproduksjon?

Med støtte frå Hovedorganisasjonane sitt fellestiltak, ønskjer Sjømat Norge å sjå nærmare på korleis framtidas sjømatproduksjon blir. Alle medlemsbedrifter er difor invitert til å setje seg ned rundt bordet for å kartlegge utfordringane.

Øyvind A. Haram har ansvaret for kompetanse og rekruttering i Sjømat Norge. FOTO: Sjømat Norge.

– Enkelt forklart handlar dette om at ein frå leiinga og ein frå tillitsmannsapparatet set seg ned og ser inn i krystallkula. Vi vil kartlegge kva kompetanse og behov som trengst. Vi er nøydt til å møte utfordringane, seier Øyvind Andre Haram, ansvarleg for kompetanse og rekruttering i Sjømat Norge.

Saman med NHO Mat og drikke og Norsk Nærings- og Nytelsesmiddelforbund (NNN), inviterast matproduserande bedrifter til to dagars workshop i desember.

– NHO sitt kompetansebarometer seier oss at 60 prosent av mat og drikkevareindustrien sine bedrifter har implementert eller har store planar om å ta i bruk ny teknologi og robotisering, seier Haram.

90 prosent av bedriftene seier vidare at dei ønskjer å møte framtidig kompetansebehov ved å leggje til rette for kompetanseutvikling i bedrifta.

Saman
Alle bedrifter frå heile landet inviterast inn til workshopen som vil arrangerast på Gardermoen 5. – 6. Desember. I første rekkje er workshopen eit forprosjekt, som kanskje og kan føre vidare til eit større hovedprosjekt i HF-regi..

Målet er å bidra til at bedriftene i næringsmiddelindustrien, gjennom et godt partssamarbeid kan:

• utvikle gode metodar for å ta i bruk ny teknologi på ein effektiv måte
• utvikle gode metodar for å arbeide med kompetansehevande tiltak som sit noverande og framtidige tilsette i stand til å betene nye maskinar og nytt utstyr
• drive forbetrings- og utviklingsarbeid gjennom medarbeiderdrevet innovasjon

Ønskjer du å delta?

MELD DEG PÅ HER