Lær kidsa havet!


Publisert 22.09.2021 av Øyvind André Haram Sjømat Norge Havbruk Midt Rekruttering

Heilt utanfor allfarveg. Så langt vest på fylkesveg 215 som ein kan kome. Neste stopp? Island. For Utvorda har havet alltid vore viktig.

– Vi veit det eigentleg, men det er så utruleg bra at vi kan ta del i eit slikt prosjekt og gjere ungane, foreldre og oss sjølve meir klar over det.

Rektor ved Utvorda oppvekstsenter, Elin Frisendal, er lykkeleg. Som ein av seks skular er ho vald ut til å få vere med på prosjektet «Velkommen av havet». Bak det heile står forfattar, biolog og formidlar Kari Helene Bachke Andresen.

Arn Frisendal i 7.klasse ivrig på kjøkkenbenken under «Velkommen av havet» på Utvorda oppvekstsenter. Foto: Sjømat Norge/Øyvind A. Haram

– Eg ønskjer at elevane skal bli betre kjent med fisk, skaldyr, havbruk og marine artar som kan nyttast og nytast i sitt nærområde.

Aktiv støtte

Havbruksbedriftene i Midt-Norge er svært delaktige i prosjektet gjennom å ha finansiert det heile. Dei seks skulane strekker seg frå Nordmøre til grensa i Nordland. Fyrstemann ut er Utvorda som ligg i Flatanger kommune, rett vest av Namsos.

– Vi er ein skule med åtte elever og to i barnehagen. Her lev folk til vanleg tett på kvarandre, men det er svært viktig for oss å involvere oss i det som skjer rundt oss. Gjennom «Velkommen av havet» har ungane fått stille spørsmål, undra seg og lært meir, seier rektor Frisendal.

Skulane som tek del sett av to eller tre dagar til det heile. Elevane får utforske fjøra, er på fisketur, besøker lokale bedrifter og til slutt så lagast det til eit felles måltid der foreldre og venner inviterast inn.

– Det er kjempeartig. Eg får prøve nye ting og ikkje minst var det artig å fiske, seier Ronja-Ingine.

Fiskeriministeren

Ingen tvil om at elevane imponerte med fantastisk mykje god mat. Foto: Sjømat Norge/Øyvind A. Haram

På kjøkkenet er eldstemann på skulen, Arn Frisendal i sjuande klasse. I følgje lærarane er det han som er «fiskeriminister» desse dagane.

– Det er artig å kunne fiske, at vi fikk nye ting vi ikkje har fått før. Så er det også artig å lære meir om korleis ein fileterer og lagar det heile.

På bordet står både hyse, lange, kveite, krabbe og meire til frå havet. Arn har filetert det meste.

– Ja, det har vore artig, men også mykje å gjere.

– Og no freistar det å arbeide med sjømat?

– Vi får sjå, kven veit. Det er i alle fall enorme moglegheiter.

FAKTA:

  • Velkommen av havet ble starta av Kari Helene Bache Andresen i 2013, som et bokprosjekt.
  • Hovudtanken er å formidle «historia bak smaken», inspirasjon til større matopplevingar og ikkje minst historier som ligger bak det å skape god smak frå alle arter i havet.
  • Undervisningsopplegg både i grunnskolen og for vidaregåande elever og utvikla i samarbeid med grunnskular, vidargåande skular og den kulturelle skulesekken i Trøndelag
  • NTNU Vitenskapsmuseet, samt kokker i Trøndelag har og bidratt i prosjektet
  • Dugnad er eit viktig stikkord: I tillegg til stor innsats frå skulane, stiller foreldre, familie, lokale ressurspersonar, bedrifter og fagfolk opp.
  • På åtte år har tusenvis av elever fått muligheitene til å lære meir om maten i havet

Vil du lese mer?

Previous articles arrow. Next articles arrow.

Behov for eierkonsentrasjonsregler i kystfiskeflåten?

Slik fordeles havbruksmilliarden

Enighet om Norsk-Russisk kvotefordeling

Den nye regjeringen satser på sjømaten

Statsbudsjettet: Muligheter for sjømaten som del av den grønne omstillingen

Nord i Sør

Medlemsmøte Havbruk Nord i Svolvær

Årssamling i Havbruk Nord

Medlemsmøte hvitfisk

Teknologi og servicekonferansen 2021: – Vi må fortsette å gjøre en forskjell for klima