Små grep, stor forskjell. Et sjømat!

Kosthold – små grep, stor forskjell, er tittelen på Helsedirektoratet sin nye kampanje for å få fleire nordmenn til å ete meir sunn mat. Kampanjen vert til jubla av Fiskeri og havbruknæringens landsforening.

– Det er rett og slett ein gratissjanse for vår næring. Her bør vi berre utnytte ein kvar mogelegheit. Det er ingen andre i Noreg som produserer like mykje sunn mat som vi gjer, seier administrerande direktør i FHL, Geir Andreassen. 



For feite
Nyare forsking gjennomført på oppdrag av Helsedirektoratet viser og at seks av ti nordmenn er opptatt av å ete sunt. Tre av ti seier og at dei ønskjer å endre kosthaldet sitt. Helseminister Jonas Gahr Støre seier og at Noreg har utfordringar med fleire vert overvektige.  

– Når helsestyresmaktene ønskjer å ta grep, er det kjempepositivt. Vi som næring bør utnytte den gratissjansen. Det er ikkje kvar dag me får ei slik pasning.

– På kva måte då?

– Fisk er eit av det sunnaste produkt du kan ha i deg. I dag følgjer langt i frå alle styresmaktene sine oppmodingar om å ete fisk minst to – tre gongar i veka.

Ta kampanjen i bruk!
Kvar dag produserast det 33 millionar sjømatmåltid frå Noreg. Andreassen følgjer sjølvsagt kosthaldsråda og et mykje av dei delikate produkta medlemsbedriftene produserer. No oppmodar han sjømatnæringa om å spreie informasjon om kampanjen.

– Alle medlemsbedrifter bør fortelje om dette. Gi informasjon til vener, kjende og alle som kjøper produkta de sel. Kampanjen er svært informativ og nyttig. Bruk sosiale medium og det som er. Kanskje vi kan bli med å verkeleg starte ein sjømatrevolusjon i Noreg. Skal me følgje regjeringa sin visjon om å bli verdas fremste sjømatnasjon, kan me i det minste ta del og oppmode resten av Noreg om å ete meir av det me produserer!  
 

Vil du lese mer?