– Økt innsats mot lakselusa

Rundt 80 frammøtte, frå Romsdal til Agder, var ivrige deltakarar då Vestnorsk Havbrukslag (FHL på Vestlandet) samla medlemmane til sitt julemøte. Lus og

behandling mot lus var tema for årets møte i Bergen.

– Det er kanskje litt snodig at me har eit slikt tema for vår samling, men det er den største utfordringa vi har akkurat no. Ingen skal hevde at me ikkje tek lusa på alvor, sa leiar Sveinung Sandvik under si opning torsdag.

Samarbeid

Utstyrsleverandørar, styresmakter og medlemmane veksla mellom å dele erfaring frå arbeidet i 2010.  

– Det er ingen tvil om at vi kan bli enno betre både på planlegging og koordinering, sa Paul Nergård, leiar av Lusalausprosjekt på Vestlandet som har stor tru på økt samarbeid. 

– Så langt har vi hausta nyttig erfaring. Vi kan bli flinkare til å samarbeide, men eg har stor tru på at det er mogeleg.

– Korleis?

– Luseutfordringa er ikkje løyst over natta. Men med slike møter som vi har her og ikkje minst auka innsats, vil vi lukkast enno betre neste år. Det er eg sikker på, seier Negård. 

Meir teknologi

Berre i løpet av 2010 vil det bli brukt nærmare ein milliard kroner i kampen mot lakselus. Julemøtet i Bergen presenterte og nye metodar i kampen mot lusa.

– Det er stadig aktørar som forskar fram nye løysingar. Dessutan blir dei eksisterande stadig betre.  Målretta arbeid viser heilt klart at det er mogeleg å redusere mengda lus, seier teknologisjef i Marine Harvest, Cato Lyngøy.

Vil du lese mer?